舒適無感日本品牌One Day Con SHERIQUE

「女為悅己者容」，更何況做左媽媽之後，唔好講化妝時間，直頭連睡眠時間都不足！一對靚靚嘅Colour Con絕對會為你睇落更精神亮麗！

今次想為大家介紹日本品牌One Day Con (即拋式隱形眼鏡）SHERIQUE

呢個系列最大嘅特式就係「4-Tone配色」，巧妙地以四重混色，令到靚靚們戴起後雙眼睇落更自然更真實！

另外一大重點就係無敵嘅「Circleless無痕外圈」，劣質colour con經常會遇到嘅問題，令到混血感降低，甚至會形成雙眼嘅感覺！

SHERIQUE系列總共有6種顏色，今次我就揀左4款同大家真實示範

首先係02Hazel Contour，超淺啡金色，混血感覺立即湧現！

呢款Con最適合影郊區日景，陽光打落去，雙眼閃閃發光，而且更顯皮白皙

03Gray Contour，灰色係最難挑戰嘅顏色之一，靚可以好靚，唔靚就會變死魚眼

而我本人就超級滿意，混血感超強，而且睇落去雙眼水靈靈！

緊接住係05 Fawn Nude， 顧名思義就係自然裸色感

其實4款之中我最偏好呢款，除左有明顯嘅增大效果，仲有明顯嘅啡框，絕對令人眼前一亮

最後係06 Capped Contoured，呢款同05有d相似，但顏色更多重，帶點啡啞色邊框

戴上後顏色依然出色，有冇d外國人feel呢？

仲有樣野值得一提，就係呢個系列嘅鏡片全部都有UV Cut可以阻擋紫外光，而且加入左玻尿酸，有強力保濕成份，令到長戴都仿如無感！