桃桃帶你遊世界～深圳觀瀾湖～手工藝場及生態體育園

歡迎重溫上集
交通及酒店設施篇
新城篇

尋日真係玩到好攰，阿桃今日訓到成9點先起身，一起身就話好肚餓，所以我地就立即動身去食早餐！

早餐係自助形式嘅，最喜歡有無限添飲嘅果汁

 即煮中式粉麵

 西式蛋類

 仲有粥品

其實都幾豐富架，連冷盤都有！
仲有大大個麵包corner添

阿桃都食得好滋味

食飽飽又係時候出發啦！

繼續搭Shuttle Bus去到觀瀾湖生態體育園（比新城後2個站），車程約8分鐘

營業時間由朝早9點到晚上6點，宜家去到4月21日仲有夜場優惠

聽講夜晚入面開哂燈，影相打卡超靚呀！不過日頭去都唔錯啦！

一入園嘅左手邊就係兒童遊樂場，成組都係由外國引入

大量攀爬設施，小朋友夠哂放電呀！

仲有大量滑梯玩，呢個景用嚟影相都好得呀
旁邊可以玩千秋，小朋友一定鍾意！

射箭場亦都有小朋友版，阿桃仲同桃爸比賽「如何點都射唔中靶」

再向前行會見到動植物園，入面都有唔少小動物架

仲有大大隻駝鳥

再行出少少，射完箭呢兩父子表示要繼續比賽，出面仲有槍啦同大炮？！
全部真係可以入彈玩唔係裝飾嚟架！

入面仲有唔少機動遊戲玩，好似呢款轉轉吹風車，㩒個制就會噴氣出嚟，咁前面d風車就會吹郁，阿桃勁by喎！

靚靚摩天輪，合家歡必備

碰碰車，大人可以同小朋友一齊玩呀！

其實呢度仲有唔少打卡位，入嚟影下相都好開心呀

阿桃話佢踩單車車我地番香港喎

有埋小朋友高度嘅天使翼牆

隱藏打卡位，超靚！

之後我地又再次番到酒店嘅中餐廳，駿豪軒開餐啦

先嚟一個餐前小食，冰鎮糖漬小蕃茄，酸酸甜甜好開胃呀！
碟邊果個花旦係師傅畫出嚟架，巧手呀！

自製有機養生豆腐，豆腐好滑，加埋醬汁，成為一道易入口嘅菜式

錦繡芙蓉山桃膠，以蛋白、蝦仁同帶子及桃膠炒成，小朋友撈飯食岩哂！

南乳吊燒雞，皮脆肉嫩，賣相都贏哂啦！

呢款熊貓中式飽又係為左阿桃點，入面係藜麥做餡，相對冇咁甜

最後仲有中式甜品同果盤

有好少見嘅楊桃呀！

最後一站嚟到手藝工場（shuttle bus搭5分鐘車程，比新城早一個站落車），係一個佔地2萬呎，集結七大工藝製作同體驗嘅地方

有環保工作坊

木藝

布藝

可以體驗由線織成布嘅工序

陶藝

 除左拉坯之外，仲可以串陶瓷珠珠手鏈

皮藝，有心機同時間絕對可以整番個手作銀包

金工，其實我勁想整對親子手鐲，可惜桃爸表示唔贊成（因為佢hold唔住個仔...）早知一早掟佢同個仔去playroom玩，我自己慢慢整啦（又得喎...）

玻璃工作坊除左一般玻璃杯，花樽等等，仲可以體驗馬賽克手作班

有哂圖，排好左痴轉用膠水就ok啦

最後嚟到紙藝坊

除左可以體驗做環保紙之外

仲可以體驗以前古人執字粒，之後做托印

同埋可以做撕紙畫

粒桃係咪好靚呢嘻嘻

我地嘅行程就分享到呢度啦
有興趣歡迎去桃媽facebook page發問同交流下心得架！

我地係官方渠道買package，俾出面賣得更抵架！
https://lihi.cc/ixIhp