新年好去處：WE嘩！STEAM太空城慈善嘉年華

新年期間帶住小朋友周圍拜年，父母攰之餘，小朋友都少左機會跑跑跳跳！今個新年仲咁好太陽，襯假期一於玩盡佢！
今次桃家就介紹由年初二開始，一連12日嘅充氣彈床嘉年華！

除左超過20種充氣同體能遊戲，今次嘉年華仲加推S.T.E.A.M 遊戲體驗，有遊戲結合科學、技術、工程、藝術、數學，再配合太空主題帶你感受不一樣嘅體驗！
活動部份收益將撥捐「香港移植運動協會」，協助該會推廣，亦藉此向大眾宣揚器官捐贈訊息同器官移植嘅知識，非常有意義！

場內更設有STEAM 體驗專區！
呢類遊戲相信大家都有見過，但坊間好多都只係由上而下鋪好路軌，但呢度加入左噴射裝置，只要連接管道，九曲十三彎都可以噴出波波，而且波波夠輕，就算小bb都可以安全玩到！

以敲擊做主題嘅展板，可以俾小朋友玩之餘，其實亦都係學習緊物理，例如唔同物質撞擊會有唔同聲、敲大力d會大聲d等等

前排好流行嘅指尖陀螺，原來都有大奧秘！
唔同物料、形狀、大小嘅陀螺隨著唔同角度嘅風力，轉速都會各有不同，小朋友可以用唔同物件吹向陀螺，觀察陀螺嘅轉動同速度，學習平衡及動力學！

傘兵發射台以發射傘兵去學習何謂流體動力學，小朋友可以嘗試唔同嘅時機及位置，去提升高度同著地位置

滾球大作戰係將唔同重量嘅球放入隧道，然後跑去出口接番個波，可以學習到阻力仲可以瘋狂放電！
宇宙探索車參考建築天秤機而成，無論外觀同操作都跟足原裝

小朋友坐入控制室操控天秤吊臂，利用磁力吊臂吸起不同的星體！

太空挖掘樂係另一個仿真機動遊戲，用伸縮臂撈起波波再放入籃到，仲可以考埋小朋友眼力！

到充氣彈床類，呢邊需要除鞋玩，所以記得著襪啦！

其中最吸睛嘅當然係呢個有11米高嘅探索穿梭機！

爬上去真係少d力氣都唔掂！
11 米高嘅新式旋轉形滑道設計，將滑落時嘅旋轉力同離心力融合，令俯衝時更快更順滑，刺激又好玩！

We 嘩! 探月火箭係長條型充氣設施
小朋友進入火箭太空艙，模擬失重狀態彈上半空，更可鍛煉平衡力，刺激前庭發展！

UFO 探險 3 合 1 歷奇之旅係全場擁有最大平面彈床嘅充氣設施，地方夠大，點跳都冇問題！

滑梯雖然較短，但衝力都幾勁，滑梯下埋有充氣墊擋住，小朋友衝落離鬥大聲，好玩！

跳到攰不妨去坐下船仔遊湖，涼快一下！

嘩啦嘩嗱!撐艇仔係一個由小朋友用手轉動摩打令船仔向前行嘅遊戲，當中點樣令船仔轉彎、向前向後考都考驗緊小朋友嘅協調能力架！

熊啤啤方舟係場內家長都可以進入嘅充氣裝置之一，高達7米大型集滑梯及彈床於一身

家長同小朋友可以一齊玩滑梯！
底層彈床區設計成森林迷宮，家長可以同小朋友一齊玩捉迷藏！

糖果星球軌跡係第二個親子同樂嘅充氣裝置
八字型彈床內充滿障礙物，極度消耗小朋友體力，而且滑梯斜度高，非常刺激！

星際列車係火車外型嘅充氣設施，相對較簡單，適合幼稚園小朋友玩

西部牛仔做主題，最最簡單嘅充氣設施之一，但都有小型滑梯玩，一眼望哂，家長都放心d啦！

花花世界係全場唯一一個僅需80cm就玩得嘅充氣設施，其他都需要90cm或以上架！一樣相對係較簡單嘅設計，但就女仔化d，岩哂小女生玩！

We 嘩！造型流沙可以俾小朋友回下氣之餘仲可以發揮創意，更加可以刺激小朋友觸感！

場內更加有少量攤位，俾大家購物同補給！

＝＝＝＝＝＝＝＝＝＝＝＝＝＝＝＝

【WE嘩！STEAM太空城慈善嘉年華】

日期：2019年2月6日至2019年2月17日 (共12天)

地址：青衣體育會足球場（青衣青綠街38號）

時間：上午11時至下午6時

票價：

每款遊戲和$50，如家長同樂需算兩位

特設$180優惠套票，可任選5款$50遊戲 

新增半日通門票HKD$288，3.5 小時任玩

 (早上 11 時及下午 2 時半各限售 30 套)

大會網站：

http://www.wewaland.com

http://www.facebook.com/wewaland

團購優惠：

https://goo.gl/EGBKPd