親子自由行～東京篇

一直好同意帶小朋友去旅行見識世界

宜家阿桃3歲啦，我同老公計劃今年聖誕假帶佢去東京自由行玩順便睇雪，所以就拎番之前嘅遊記整理一下！

講到東京當然就要去迪士尼樂園啦，我地仲專登係東京迪士尼酒店預訂左房間，唔講唔知，如果係迪士尼旗下酒店入住，可以獲得提早入園嘅資格，咁就可以搶先玩熱門機動遊戲啦！

東京迪士尼樂園同香港迪士尼有些少唔同，因為佢地嘅迪士尼人物係會隨街走架，而唔係排隊嘅，所以同唔同到佢地影相合照就要睇你運氣喇！

帶小朋友除左去玩，都仲係去玩，我地超推薦位於後樂園站嘅ASOBono!室內遊戲室，入面超大超靚，絕對係你係香港體驗唔到！

 地方大唔在講！

玩具都好多元化，全部都係靚靚日製玩具

仲有專為0～2歲小bb而設嘅遊樂區，所以呢度絕對適合唔同年齡嘅小朋友嚟玩架！
遊戲室就設於東京巨蛋城入面，冇錯，正正係日本搞演唱會、搞活動最出名嘅地方，小朋友放完電就到大人去shopping喇！

嚟到日本，有小朋友嘅家長都必行嘅西松屋，日本商場/店舖全部都超貼心會提供bb車，咁就可以安心購物喇

呢度有齊bb同小朋友需要嘅日用品，由奶樽奶粉到尿片啦副食品，甚至係服飾都有，而且價錢唔算太貴

好彩的話仲會遇到特價，好似呢件斷碼連身背心褲就只需要$35HKD，質地仲好好添，透氣又舒適！

仲有每次去日本都必食呢間係新宿嘅章魚燒

超巨型章魚燒影相打卡夠哂吸睛，而且位於遊客區，店員們用英文溝通都好ok，章魚燒味道一流，仲有好多唔同口味選擇添！

好啦，分享到呢度，你地又有冇東京必去景點呢？
歡迎留言話俾我聽等我可以plan好嚟緊聖誕之旅呀！